លោកជំទាវបណ្ឌិត ពេជ ចន្ទមុនី ហ៊ុន ម៉ាណែត រួមទាំងលោកជំទាវស្រ្តីទី១ នៃប្រទេសអាស៊ាន និងប្រទេសដៃគូសន្ទនារបស់អាស៊ាន អញ្ជើញទស្សនាសួន Taman Mini Indonesia Indah រដ្ឋធានីហ្សាការតា សាធារណរដ្ឋឥណ្ឌូណេស៊ី !!!!!
ដោយះ លោក ហាប់ ប៊ុនហុង
ចេញផ្សាយថ្ងៃ ពុធ ៦ រោច ខែ ស្រាពណ៍ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី ០៦ខែ កញ្ញា ឆ្នាំ២០២៣
រដ្ឋធានីហ្សាការតាះ
ក្នុងឱកាសនៃការអញ្ជើញអមដំណើរ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញចូលរួមកិច្ចប្រជុំកំពូលអាស៊ានលើកទី43 និងកិច្ចប្រជុំកំពូលពាក់ព័ន្ធ នៅរដ្ឋធានីហ្សាការតា សាធារណរដ្ឋឥណ្ឌូណេស៊ី នៅព្រឹកថ្ងៃទី6កញ្ញា លោកជំទាវបណ្ឌិត ពេជ ចន្ទមុនី ហ៊ុនម៉ាណែត ភរិយាដ៏ឧត្តុង្គឧត្តម សម្តេចមហាបវរធិបតី ហ៊ុន ម៉ាណែត លោកជំទាវ Wan Azizah Wan Ismail ភរិយាឯកឧត្តមនាយករដ្ឋមន្រ្តីម៉ាឡេស៊ី លោកជំទាវ Liza Araneta Marcos ភរិយាឯកឧត្តមប្រធានាធិបតីហ្វីលីពីន លោកជំទាវភរិយាឯកឧត្តមនាយករដ្ឋមន្រ្តីឡាវ លោកជំទាវ Ho Ching ភរិយាឯកឧត្តមនាយករដ្ឋមន្រ្តីសឹង្ហបុរី លោកជំទាវ Yuko Kishida ភរិយាឯកឧត្តមនាយករដ្ឋមន្រ្តីជប៉ុន លោកជំទាវ Sheikh Hasina ភរិយាឯកឧត្តមនាយករដ្ឋមន្រ្តីបង់ក្លាដែស លោកជំទាវ Kim Keon-Hee ភរិយាឯកឧត្តមប្រធានាធិបតី នៃសាធារណរដ្ឋកូរ៉េ លោកជំទាវ Jodie Haydan ភរិយាឯកឧត្តមនាយករដ្ឋមន្រ្តីអូស្រ្តាលី លោកជំទាវ Rita Banga ភរិយាប្រធានធនាគារពិភពលោក អញ្ជើញទស្សនាសួន Taman Mini Indonesia Indah រដ្ឋធានីហ្សាការតា សាធារណរដ្ឋឥណ្ឌូណេស៊ី។
វត្តមាននៃការអញ្ជើញដល់ របស់លោកជំទាវ ស្រ្តីទី១ នៃប្រទេសអាស៊ាន និងប្រទេសដៃគូអាស៊ាន ត្រូវបានការធ្វើគារវកិច្ចស្វាគមន៍យ៉ាងកក់ក្តៅបំផុត ពីលោកជំទាវ Iriana Joko Widodo ភរិយាឯកឧត្តមប្រធានាធិបតីឥណ្ឌូណេស៊ី។ នៅក្នុងឱកាសនៃការអញ្ជើញទស្សនានោះ លោកជំទាវជាភរិយាប្រមុខដឹកនាំទាំងអស់ បានអញ្ជើញទស្សនាការសំដែងសិល្បះ និងការតាំងពិព័រណ៍សហគ្រាសធុនតូច-មធ្យម រួមទាំងទស្សនាការលោតឆ័ត្រយោង នៃកងទ័ពរបស់សាធារណរដ្ឋឥណ្ឌូណេស៊ី។ លោកជំទាវ Iriana Joko Widodo ភរិយាឯកឧត្តមប្រធានាធិបតីឥណ្ឌូណេស៊ី មានប្រសាសន៍សំដែងនូវការស្វាគមន៍យ៉ាងកក់ក្តៅបំផុត ជូនចំពោះ លោកជំទាវបណ្ឌិត ពេជ ចន្ទមុនី ហ៊ុន ម៉ាណែត រួមទាំងលោកជំទាវស្រ្តីទី១ នៃប្រទេសអាស៊ាន និងប្រទេសដៃគូសន្ទនារបស់អាស៊ាន ដែលបានចំណាយពេលវេលា និងឆ្លើយតបតាមការអញ្ជើញរបស់រដ្ឋាភិបាលឥណ្ឌូណេស៊ី អញ្ជើញមកចូលរួមកិច្ចប្រជុំកំពូលអាស៊ានលើកទី43 និងកិច្ចប្រជុំកំពូលពាក់ព័ន្ធ នៅរដ្ឋធានីហ្សាការតា ប្រទេសឥណ្ឌូណេស៊ី។ លោកជំទាវស្រ្តីទី១ ឥណ្ឌូណេស៊ី បានប្រសិទ្ធពរដល់ការស្នាក់នៅរបស់លោកជំទាវស្រ្តីទី១ ទាំងអស់ សូមមានសុខភាពល្អបរិបូរណ៍ និងជោគជ័យគ្រប់ភារកិច្ចការងារ ដើម្បីជានិម្មិតរូបដ៏ថ្កើនថ្កានរបស់ប្រជាពលរដ្ឋទាំងអស់ ដែលរស់នៅលើភពផែនដីប្រកបដោយសន្តិភាព កិច្ចសហប្រតិបត្តិការ និងការអភិវឌ្ឍ។
សូមបញ្ជាក់ថា Taman Mini Indonesia Indah គឺជាសួនលំហែខ្នាតតូចរបស់ឥណ្ឌូឡេស៊ី ជាតំបន់កំសាន្តបែបវប្បធម៌ ស្ថិតនៅភាគខាងកើតទីក្រុងហ៉្សាកាតា ឥណ្ឌូនេស៊ី។ ចាប់តាំងពីខែកក្កដា ឆ្នាំ 2021 សួននេះត្រូវបានដំណើរការដោយក្រុមហ៊ុន PT Taman Wisata Candi Borobudur, Prambanan, dan Ratu Boko ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនគ្រប់គ្រងទេសចរណ៍របស់រដ្ឋ InJourney និងត្រូវបានដំណើរការដោយ Yayasan Harapan Kita ដែលជាមូលនិធិដែលបង្កើតឡើងដោយ លោកជំទាវ Siti Hartinah ដែលជាស្ត្រីទីមួយ ក្នុងអំឡុងពេលនៃ New Order និងភរិយារបស់ ឯកឧត្តមSuharto ហើយគ្រប់គ្រងដោយកូនចៅរបស់ ឯកឧត្តមSuharto ចាប់តាំងពីគាត់បានស្លាប់រហូតដល់ឆ្នាំ 2021។ សួននេះ មានផ្ទៃដីប្រហែល 100 ហិកតា លើគម្រោង250 ហិចតា។ គម្រោង នេះ ចំណាយ ថវិកា ប្រមាណ ២៦ លានដុល្លារ អាមេរិក។
ឧទ្យាននេះ គឺជាការសង្ខេប នៃវប្បធម៌ឥណ្ឌូណេស៊ី ជាមួយនឹងទិដ្ឋភាពស្ទើរតែទាំងអស់ នៃជីវិតប្រចាំថ្ងៃនៅក្នុងខេត្តចំនួន 26 ក្នុងឆ្នាំ 1975 របស់ប្រទេសឥណ្ឌូណេស៊ី បានរុំព័ទ្ធក្នុងព្រះពន្លាដាច់ដោយឡែកជាមួយនឹងការប្រមូលផ្ដុំ នៃ rumah adat ដែលជាឧទាហរណ៍នៃស្ថាបត្យកម្មជនជាតិឥណ្ឌូនេស៊ី សំលៀកបំពាក់ របាំ និងប្រពៃណីទាំងអស់ត្រូវបានបង្ហាញដោយឥតខ្ចោះ។
ឧទ្យាននេះតាំងបង្ហាញជាចម្បងនូវវប្បធម៌រូបវន្តរបស់ជាតិ។ ក្រៅពីនោះ មានបឹង មួយ ដែលមានប្រជុំកោះ តូច មួយ នៅកណ្ដាលខ្សែកាប សារមន្ទីរ រោងកុន Keong Emas IMAX (រោងកុន IMAX តែមួយគត់ របស់ ប្រទេសណេស៊ី រហូត ដល់ ទសវត្សរ៍ ឆ្នាំ ២០១០) ល្ខោន មួយ ឈ្មោះ ថា Theatre of My Homeland (Theatre Tanah Airku) និងកន្លែងកម្សាន្តផ្សេងទៀតដែលធ្វើឱ្យ TMII ក្លាយជាគោលដៅទេសចរណ៍ពេញនិយមបំផុតនៅក្នុងទីក្រុង។ ក្នុងឆ្នាំ 2007 Taman Mini Indonesia Indah បានដាក់ចេញនូវស្លាកសញ្ញាថ្មីមួយជាមួយនឹងពាក្យស្លោកម៉ាក Pesona Indonesia (Indonesian Charm)ភាពទាក់ទាញរបស់ឥណ្ឌូនេស៊ី។
វាទទួលបានការកែទម្រង់មុខនៅឆ្នាំ 2023 ជាមួយនឹងការប្រែប្រួលពណ៌ថ្មី ហើយពាក្យស្លោកត្រូវបានប្តូរទៅជា Taman Jelajah Indonesia (Indonesian Exploration Park)សួននៃពន្លឺ។TMII ដើមឡើយមានទីតាំងនៅលើផ្ទៃដីសាធារណៈ 145 ហិកតា ជាកសិដ្ឋាន និងវាលស្រែ។ ក្រោយមក ក្រុមការងារអាចបំប្លែងវាលទាំងនេះទៅជាទីតាំងសមរម្យសម្រាប់ការសាងសង់។ សណ្ឋានដីរបស់ TMII មានលក្ខណៈជាភ្នំ ស្របនឹងអ្វីដែលអ្នកសាងសង់ទាមទារ។
ក្រុមការងារបានអះអាងថាអត្ថប្រយោជន៍នៃការប្រើប្រាស់ដីមិនស្មើគ្នានេះគឺសមត្ថភាពក្នុងការបង្កើតទេសភាពគួរឱ្យចាប់អារម្មណ៍ និងចម្រុះ ព្រមទាំងការឆ្លុះបញ្ចាំងពីលក្ខណៈផ្សេងៗនៃបរិស្ថានឥណ្ឌូនេស៊ី។ នៅថ្ងៃទី៣១ ខែធ្នូ ឆ្នាំ២០២៤ គណៈកម្មាធិការសន្តិភាពពិភពលោកបានទទួលស្គាល់ TMII ជាឧទ្យានអរិយធម៌អន្តរជាតិ និងឧទ្យានសន្តិភាពពិភពលោក៕
ដោយះ គេហទំព័រ បារមីមានរិទ្ទិ លោកយាយយ៉ាត
https://www.bmy-news.com/
