ក្រុមហ៊ុន Oak Sourcing&Logistic,LLC បានឧបត្ថម្ភឈុតការពារវេជ្ជសាស្រ្តជាង២លានមកព្រះរាជាណាចក្រកម្ពុជា ក្នុងយុទ្ធនាការប្រឆាំងជំងឺកូវីដ-១៩ !!!!!
ដោយះ លោក សោ សិលា
ចេញផ្សាយថ្ងៃ សុក្រ ៤រោច ខែស្រាពណ៍ ឆ្នាំឆ្លូវ ត្រីស័ក ពុទ្ធសករាជ ត្រូវនឹងថ្ងៃទី ២៧ ខែ សីហា ឆ្នាំ២០២១
ព័ត៌មានជាតិ
(រាជធានីភ្នំពេញ)៖
ក្រោយមានការរីករាលដាលនៃជំងឺឆ្លងកូវីដ-១៩ កើនឡើងជាបន្តបន្ទាប់នៅក្នុងនៅក្នុងសហគមន៍នៅក្នុងព្រះរាជាណាចក្រកម្ពុជា មានសប្បុរសជនជាច្រើនបានចូលរួមចំណែកជាសម្ភារៈថវិកាជាមួយនឹងរាជរដ្ឋាភិបាលនិងសមាគមគ្រូពេទ្យស្ម័គ្រចិត្តយុវជនសម្តេចតេជោដើម្បីចូលរួមប្រយុទ្ធប្រឆាំងនឹងជំងឺកូវីដ-១៩។
ជាក់ស្ដែង ក្រុមហ៊ុន Oak Sourcing&Logistic,LLC បានឧបត្ថម្ភឈុតការពារវេជ្ជសាស្រ្តជាង២លាន បានឧបត្ថម្ភឈុតការពារវេជ្ជសាស្រ្តជាង២លាន មកព្រះរាជាណាចក្រកម្ពុជាដើម្បីរួមចំណែកជាមួយសមាគម ក្នុងយុទ្ធនាការប្រឆាំងជំងឺកូវីដ-១៩ ។
លោក Matthew Sandvig គណៈគ្រប់គ្រងក្រុមហ៊ុនបានថ្លែងថាយើងមានសេចក្តីត្រេកអរជាខ្លាំងក្នុងការឧបត្ថម្ភឈុតការពារវេជ្ជសាស្ត្រដែលជាសម្ភារៈបរិក្ខារការពារខ្លួនសំខាន់និងចាំបាច់សម្រាប់ប្រទេសកម្ពុជាក្នុងពេលដែលប្រទេសមួយនេះកំពុងជួបនឹងការរីករាលដាលនៃករណីឆ្លងថ្មីនៃជំងឺដែលមានកម្រិតធ្ងន់ធ្ងរ និងមានករណីស្លាប់ច្រើនជាងមុន។លោកបានបន្ថែមថាឈុតការពារវេជ្ជសាស្ត្រ(PPE)ទាំងនេះនឹងជួយគាំទ្រដល់មន្ទីរពេទ្យ និងគ្លីនិកវេជ្ជសាស្ត្រនៅទូទាំងប្រទេសក្នុងការលើកកម្ពស់សុវត្ថិភាពក្រុមគ្រូពេទ្យជួបមុខនៅក្នុងការបំពេញកាតព្វកិច្ច និងកិច្ចខិតខំប្រឹងប្រែងរបស់ពួកគេប្រយុទ្ធនឹងជំងឺកូវីដ-១៩។
លោកវេជ្ជបណ្ឌិត ស៊ូ ស៊ីផាណ្ណា ប្រធានប្រតិបត្តិសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) បានបង្ហាញការកោតសរសើរដល់ក្រុមហ៊ុនដែលបានចូលរួមឧបត្ថម្ភឈុតការពារវេជ្ជសាស្ត្រដល់ប្រទេសកម្ពុជាខណៈដែលប្រទេសកម្ពុជាកំពុងមានតម្រូវការចាំបាច់បំផុតក្នុងកិច្ចការប្រយុទ្ធនឹងជំងឺកូវីដ-១៩ ព្រមទាំងបានថ្លែងថា”យើងនិងសប្បាយរីករាយចំពោះការឧបត្ថម្ភប្រកបទឹកចិត្តសប្បុរសធម៌របស់ក្រុមហ៊ុនដល់ប្រទេសយើងខណៈដែលយើងកំពុងតែបន្តប្រយុទ្ធនឹងវីរុសកូវីដ-១៩”។ យើងសូមថ្លែងអំណរគុណដល់អ្នកស្រី ឈឹម កុលាប នាយិកាអភិវឌ្ឍអាជីវកម្មរបស់ក្រុមហ៊ុនសេដ្យឃែភីថលសម្រាប់ការសម្របសម្រួលឲ្យមានការផ្ដល់អំណោយនេះ។
សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) សូមថ្លែងអំណរគុណចំពោះក្រុមហ៊ុន Oak Sourcing&Logistic,LLC និងសប្បុរសជនទាំងអស់ដែលបានចូលរួមសកម្មភាពមនុស្សធម៌ជាមួយសមាគមគ្រូពេទ្យស្ម័គ្រចិត្តយុវជនសម្តេតេជោ(TYDA) តាម រយៈការឧបត្ថម្ភថវិកា សម្ភារៈ ដើម្បីផ្តល់លទ្ធភាពឱ្យសមាគមបំពេញបេសកកម្មមនុស្សធម៌សម្រាប់ជាតិ និងមាតុភូមិ។
សូមបញ្ជាក់ថា គិតត្រឹមថ្ងៃទី២៤ ខែសីហា ឆ្នាំ២០២១នេះ ខណ:ដែលចំនួនអ្នកកើតជំងឺកូវីដ-១៩ នៅតែមានចំនួនច្រើន មានសប្បុរសជនជាច្រើនបានចូលរួមឧបត្ថម្ភជាថវិកា ភេសជ្ជ: អាហារ និងសម្ភារៈជូនដល់ក្រុមគ្រូពេទ្យស្ម័គ្រចិត្តយវជនសម្តេចតេជោ(TYDA) ដែលចូលរួមប្រយុទ្ធប្រឆាំងជំងឺកូវីដ១៩ ដើម្បីជាការលើកទឹកចិត្តចំពោះកិច្ចខិតខំ ប្រឹងប្រែងចូលរួមក្នុងការទប់ស្កាត់ជំងឺកូវីដ-១៩កន្លងមក៕
ដោយ ៖ គេហទំព័រ បារមីមានរិទ្ធិ លោកយាយយ៉ាត
https://www.bmy-news.com/
